Пикассо ба Ван Гог

 

Пикассо ба Ван Гог энэ хоёр зураач авъяас чадварын хувьд адилхан зураачид байжээ. Харин амьдрал нь та бүхний мэдэж байгаагаар өдөр шөнө хоёр шиг өөр байсан юм. Пикассо нь амжилтын үлгэр загвар гэмээр амьдралаар амьдарч, харин Ван Гог эсрэгээр нь бүтэлгүйтлийн үлгэр загвар гэмээр амьдралаар амьдарсан байлаа.

 

Пикассо 30 дөнгөж гарч байхдаа саятан болсон байв. Түүний амжилт нас ахих тусам улам л цэцэглэж байсан бөгөөд 10 саятан, цаашлаад бүр тэрбумтан болсон юм. Зураачийн хувьд нэр алдар нь ч бас тийм байлаа. Анхандаа урлагийн ертөнцөд бага багаар танигдаж эхлэн удалгүй бүр од болж дэлхийн хэмжээний зураач болж чадсан.

 

Ван Гог насан туршдаа мөнгөтэй байх тавилангүй хүн байлаа. Тэрээр 20 настайдаа үгээгүй ядуу, ЗО-тайдаа ч ядуугаас ядуу, үхэхдээ ч ядуугийн туйл байсан байна. Зураачийн хувьд нэр алдар нь ялгаагүй л доод зэргийн байжээ. Түүний зургууд ямар нэг хараалд автсан мэт хүмүүсийн анхаарлыг татаж чаддаггүй байв. Тэрээр ямар ч нэргүй амьдарч нэргүйгээр үхсэн юм.

 

Гэтэл өнөөдөр харахад Ван Гог Пикассогоос ч илүү чадварлаг зураач байсан. Учир нь Пикассо зураач аавын уйгагүй нөлөөн дор 4 настайгаасаа эхлэн зураг зурж байсан бол, Ван Гог 27 нас хүрч байж зураг зурж эхэлсэн байна. Бас Ван Гог-д багш ч байгаагүй удирдан чиглүүлэх хүн ч байгаагүй. Энэ агуу Ван Гог тэгвэл яагаад Пикассогоос доор амьдралаар амьдрах болов? Пикассо эерэгээр R=VD-r ашиглаж, Ван Гог сөргөөр R=VD хийж байсан учраас тэр юм.

 

Пикассог Ван Гог шиг хэн ч мэддэггүй явсан үе байсан. Ямар ч нэр алдаргүй үе нь 10 жил үргэлжилсэн юм. Түүний зургууд зарагдахгүй, хэнд ч хүлээн зөвшөөрөгдөөгүй зураач байлаа. Ван Гогийн нэгэн адил ядуусын хороололд амьдарна. Түүний нэр алдаргүй байсан цаг үеийн турш сэтгэлийнхээ гүнд хурж байсан зураг бол эд хөрөнгө, нэр алдарыг гартаа атгаж чадсан өөрийнх нь дүр зураг байсан юм. Дэлхийн хэмжээний зураач болсон өөрийнх нь төрх шүү. Пикассогийн хувьд сэтгэлийн гүн дэх төсөөлөл нь хангалтгүй санагдаж байгаа юм шиг ам л нээвэл ингэж хэлдэг байжээ.

 

"Би уран зургаар тэрбумтан болох болно."
"Би уран зургийн түүхэнд шинэ үеийг нээсэн зураач
болох болно"
"Би хамгийн баян хүний амьдралаар амьдарч байгаад хамгийн баян хүнээр үхэх болно."
Харин Ван Гог эсрэгээр сэтгэлийнхээ гүнд аажмаар бүдэгрэн алга болж байгаа өөрийн төрхийг л зурдаг байлаа. Ядуурал, өвчинд баригдан амьдарч байгаад хөөрхийлөлтэй үхэж байгаа тийм л зургийг. Пикассогийн нэгэн адил өөрийн амьдралыг ямар байхыг ингэж хэлдэг байжээ.
"Би насан туршдаа ийм хөөрхийлөлтэй амьдралаар амьдарч байгаад үхэх байх."
"Би мөнгөтэй байх хувь тавилангүй юм шиг байна." "Азгүй тохиол надаас салахгүй юм шиг байна.

 

Иймэрхүү үгсийг түүний дүү Теодоо бичсэн захиануудаас олж илрүүлсэн юм. Яг адилхан авъяас чадвартай хоёр хүний амьдрал нь тэр хоёр сэтгэлдээ юу төсөөлж байсан яг л тийм болсон байна. Харин Ван Гогийн гараар бүтээгдсэн гайхамшигт бүтээлүүд нь түүнийг хөөрхийлөлтэй нас барсны дараа эзнийхээ бүтэлгүй VD-ийн нөлөөнөөс салсан цагаас эхлэн өөрийнхөө оршин тогтнож байгааг дэлхий дахинд мэдэгдэж эхэлсэн билээ.