Энэ дугаарын онцлох сэдвүүд:

Нилс хүүтэй хамтдаа өнгөрүүлсэн урт удаан, адал явдалт аялал чинь өндөрлөж байна. Ид шидтэй бяцхан өвгөний сорилтыг Нилс сайн давж, жинхэнэ сайн хүү болсноо баталж чадсан тул буцаагаад түүнийг том болгосон юм. Одоо тэр бусад хүүхдүүдээс ялгарахааргүй харагдах болсон ч амьтдын сэтгэл, харилцааг ойлгож мэдэрсэн учраас тэдэнд чин сэтгэлээсээ хайртай болсон. Гэхдээ чи ч гэсэн амьтдыг ойлгоё гэвэл тийм ч хэцүү биш ээ. Ямар нэгэн амьтны оронд өөрийгөө тавиад бодоход л болох нь тэр.

 

«Миний мөрөөдлийн Нар» уралдаанд түрүүлсэн Б.Мичидмаа, Б.Нандин-Эрдэнэ, Г.Номин нар маань Хонг Конг-оор аялаад ирлээ. Дисней Лэнд тэдэнд яг л үлгэрийн орон шиг санагдсан гэсэн шүү. Тэдний аяллын сонин сайхныг «Дэлдэн чихт»-ээс сонсоорой. Аварга том хулены баавгай, Ази, Африкийн заан, Сибирийн бар, имж, оцон шувууг «амьдаар нь» хармаар байна уу? Эдгээр амьтад хаана бөөнөөрөө байдгийг «Ертөнцийн сонин хачин»-аас мэдээд аваарай. Яагаад гэвэл, хэзээ ч юм, тун удахгүй чи тэнд очно шүү дээ.
Хайртай бяцхан уншигчиддаа хамгийн сайн сайхныг хүсье.