Бид өдөр тутам амжил болон гэртэй асар олон цагаар дэлгэц ширтэж цагийг өнгөрөөдөг. Энэ байдал нь та бидний нүдний харааг үлэмж хэмжээгээр муудтгадаг. Хэрхэн сэргийлэх талаар дэлхийн эрүүл мэндийн байгууллагаас гаргасан судалгаагаар хамгийн үр дүнтэй арга нь нүдний гиминастик хийх гэж онцлон тэмдэглэсэн байна. За тэгвэл нүдээ муутгахгүйн тулд дараах дасгалыг хийж нүдний чилээг гаргаж, хэвийн байдлыг хангаад зогсохгүй хараа сайжруулдаг гэнэ. Ингээд энгийн аргуудаас толилуулъя.

 

1.Түшлэгтэй сандал дээр биеэ цэхлэн суугаад, гарын алгаа халуу оргитол хооронд нь үрнэ. Үүний дараа нүдээ алганыхаа хонхороор дарна. Ингэхдээ хэт даралт өгөхөөс залсхий. Харанхуйд анхаарлаа төвлөрүүлж, гүнзгий амьсгаа аван, таатай дурсамжуудаа бод. Дор хаяж гурван минут болсны дараа гараа авч, эргэн тойрны зүйлсийг аажмаар харах хэрэгтэй.

2.Нүдээ гурваас таван секунд аниад мөн хугацаанд нээнэ. Долоогоос арван удаа давтах хэрэгтэй.

З.Нүдээ аниад, хуруугаараа нэгээс хоёр минут нар зөв иллэг хий.

4.Нүдээ эхний цагийн зүүний дагуу эргүүлээд, дараа нь эсрэг эргүүлнэ. Ингэхдээ аль болох бүтэн эргүүлэхийг хичээгээрэй. Энэ дасгалыг таван удаа давтана. Давталт болгоны хооронд нүдзэ цавчлах нь сайн.

5.Хана руу хараад нүдээрээ юм бичиж байна гэж төсөөл. Толгойгой хөдөлгөхгүй байх чухал. Эхний удаа хэцүү мэт боловч яваандаа хялбар болно.

6.Нэлээд том цагны өмнө сууж байгаагаар төсөөл. Эхлээд цагны гол хэсэг рүү хар. Дараа нь цагийн тоо болгон руу хар. Үүнийг 12-оос дээш хийгээрэй.

7.Ойролцоогоор 50 метрийн зайд байгаа зүйлийг хар. Хараагаа алгуурханаар ойрын зүйлс рүү шилжүүл. Дараа нь эсрэгээр ойроос холдуулж хар. Үүнийг таван удаа давтаарай.

8.Өөрийнхөө чадах хэмжээгээр алсыг ширт.