Номын танилцуулга:

Эрчүүд яагаад муу эмэгтэйг хайрладаг вэ? Хэмээх энэхүү ном маань "хэт сайн" бүсгүйчүүдэд зөвлөгөө болон гарч байгаа юм. Муу эмэгтэй гэдэг үгийг энд шууд утгаар нь ойлгох хэрэггүй бөгөөд гагцхүү номныхоо утга агуулгад зохицуулан ёгт хэлбэрээр оруулсан болно. Ном маань гарчигнаасаа авахуулаад л доторх утга санаа бүхэн нь олон эмэгтэйн дотроо боддог хэдий ч ил гаргадаггүй зүйлийг өөртөө агуулсан байгаа. Эмэгтэй хүн бүр хэн нэгэн эр хүнд ямар нэгэн байдлаар илүү нээлттэй хандаж, сэтгэл зүрхээ илэрхийлснээсээ болоод эвгүй байдалд орж үзсэн байдаг. Хэдийгээр хэн нэгэн Эрийн сэтгэлийг эзэмдэж чадсан ч, түүнийг хайрлаад ирэхийн цагт нөгөөх нь хүйтэн хөндий зан гаргаж байсан удаа бишгүй л тохиолддог. Эмэгтэй хүн бүр л эр хүн өөрийг нь сонирхохоо болих үед ямар мэдрэмж төрдгийг мэднэ. Эдгээр асуудал нөхөртэй, нөхөргүй ялгаагүй иXЭНХ бүсгүйд тохиолдсон байдаг.

 

Тэгэхээр ер нь яагаад эрчүүд муу эмэгтэйд хайртай байдаг юм бол? Гэхдээ энэ номонд хэрэглэгдэж буй "муу эмэгтэй" гэсэн нэр томъёог сөрөг утга бүхий жинхэнэ нэрээс нь ялгаж ойлгох хэрэгтэй юм. Тэрээр ямар ч атугай хорон муу санаатай эмэгтэй биш юм шүү. Энд өгүүлж буй "муу эмэгтэй" телевизийн олон ангит "Овог" | кинонд Жоан Коллинзын тоглосон дүр болох шулам мэт хорон муу санаатай хүүхнээс тэс өөр нэгэн. Тэр бас хамт ажилагсдынхаа дургүйцлыг төрүүлсөн хувиа хичээгч, хүнд сурталтай эмэгтэй ч биш.

 

Миний номонд дүрсэлж буй "муу эмэгтэй" бусадтай бүдүүлэг харьцдаг бөгөөд хүчирхэг зан чанартай нэгэн билээ. Тэрээр эелдэг зөөлөн хэдий ч өөрийн хүчирхэг зангаа ямагт харуулж байдаг. Хэн нэгэн залуугаас болж зорьсон зорилгоосоо татгалздаггүй бөгөөд эр хүн түүнийг хэзээ Ч өөрийнхөөрөө байлгаж чаддаггүй. Тэр бол эр хүн хурдаа хэт нэмээд байсан ч өөрөөрөө байж чаддаг, шаардлагатай бол түүнээс холдож чаддаг бүсгүй. Муу эмэгтэй юу хүсэж байгаагаа сайн мэддэг, гэвч түүндээ хүрэхийн тулд өөрийгөө хуурдаггүй. Хамгийн гол нь тэрээр эмэгтэйлиг, яг л замбага цэцэг мэт нэгэн.