Номын танилцуулга:

Чиний цээжинд оргилон ирэх түүгээр амьдар. Найдвар мөрөөдөл эхлэх газар болох - Дээврийн хонгилын өрөө. Тэнд цагийн аясаар хуучирч муудсан модон тавилгууд, тайван унтаж болох ор, танил хуучин ширээ байна. Сандал дээр суунгаа цонхоор харвал жижигхээн цэцэрлэг харагдаж тэндээс салхины аясаар аятайхан анхилуун үнэр дайгдан ирж сэнгэсэн эгэл жирийн амар амгалангийн орон мэт санагдана. Хэн ч гэсэн нэг иймэрхүү газартай болох юмсан мөрөөддөг дээврийн хонгилын өрөө ийм байвал?

 

Хорвоо дээр амьдрахаа, "болих" гэдэг ганц үг байхад л дуусгаж болохоор аюултай ч ийм бодит байдалд ч бид найдвар алдахгүй байдаг шалтгаан нь биелүүлэхийг хүсдэг мөрөөдөлтэй, түүнийхээ төлөө чинь сэтгэлээсээ тэмүүлж өөр өөрийнхөө дээврийн хонгилын өрөөнд сууж тасралтгүйгээр өөрийн хүсэл рүү тэмүүлж байдагт байгаа юм.

 

Бидний дахин босох ёстой шалтгаан, бидний дахин инээх шалтгаан ч бас адил. Бидэнд хараахан гүйцээж хийж чадаагүй зүйлс үлдээд тэдгээр нь бидний дотрыг арзагнуулан оргилон гарч ирнэ.

 

Нэг найз маань "Өөрийн хүссэн төрхийг бодит болгох чадвартай бай" гэж хэлдэгсэн. Мөрөөдлөө биелүүлэхийн тулд хамгийн түрүүнд хийх ёстой зүйл бол өөрийгөө ятган өөрчлөх Тэгж байж л өөрийн хүссэн төрхийг яг жинхэнэ юм шиг болж, өөрийн хүссэн Би-г бий болгож эцэст нь өөрийн хүссэн амьдралаар амьдарч чадах болно.

 

Зарим нь өөрийн хүссэн би-г бий болгохын "туфлиэ тайлж чулуудаад өндрөөс өндөрт холоос хол нисээрэй" гэж хашгирна. Энд туфлитай ч бай гуталтай ч бай түүнийгээ тайлахгүй байсан ч тэр бусдаас илүү үсэрч чадах арга бичигдсэн байгаа. Илүү итгэлтэй амархан өөрийн мөрөөдлийг биелүүлж чадах арга юм шүү.