Номын танилцуулга:

Номыг маань сонирхон уншиж байгаад талархъя. Хятадын зах зээлд гадны олон корпораци, компаниуд нэвтэрч байгаа өнөө үед тус улсын зах зээлийн онцлогийг мэдэж авах нь бизнесийнхний хувьд чухал. Ялангуяа хятадтай экспорт импортын гэрээ хийх, компани байгуулах, түнш олох, бизнес эрхлэхийг дэлхий нийтээр сонирхож байна. Хөрш зэргэлдээ оршдог орны хувьд монголчууд энэ улс руу дорвитой бизнес явуулах боломж бололцоо давуу хэдий ч төдийлөн хангалттай хөл тавьдаггүйг гадныхан гайхдаг нь нууц биш. Азид болж буй мэдээллийг англи хэл дээр тоймлон гаргадаг сэтгүүлд судлаачаар ажиллах хугацаанд сонирхон бэлтгэсэн мэдээллээ та бүхэнтэй хуваалцахыг хүссэн юм. Та бүхнийг хятадад алба амины ажлаар зорчиход хэрэг болохуйц зарим нэмэлт мэдээллийг товч оруулахыг хичээлээ. Энэхүү ном маань бизнест тань өчүүхэн хувь нэмрээ оруулах болтугай. Амжилт хүсье.