Бүтээгдхүүний идэвхжүулэлтийн судалгаа
- зарлал сурталчилгааны үр ашиг
- мэдээллийн хэрэгслүүдийн үр ашиг
- сурталчилгааны янз бурийн хувилбаруудыг турших
- идэвхжүүлэлтийн хэрэгсэл, аргуудыг харьцуулан шинэчлэх
- бүтээгдхүүнийг хэрэглэгчдэд хүргэж буй явц;
- агуулахын байршил
- жижиглэн худалдаалах цэгүүдийн байршил
- үйлчилгээний албадын байршил

Маркетингийн орчны судалгаа
- маркетингийн бага орчны үнэлгээ
- их орчны хүчин зүйлсийн нөлөөлөл

Өрсөлдөгчийн судалгаа
- Өрсөлдөгчдийн зорилго, хүчтэй ба сул талын судалгаа
- Өрсөлдөгчдийн хариу үйлдлийн бүтцийн үнэлгээ
- Өрсөлдөгчдийн санхүүгийн хүчин чадлын ба технологийн түвшингийн үнэлгээ
- удирдлага зохион байгуулалтын түвшний үнэлгээ
- өрсөлдөгчийн нэр хүнд ба аргаа өөрчлөх чадварын үнэлгээ
- нөөц ба шинжлэх ухааны чадавхийн үнэлгээ

Эдгээр нь маркетингийн судалгаа хийж болох гол хүрээ гэдгийг давтан тэмдэглэх нь зүйтэй. Чухам ямар асуудлаар судалгаа хийж амжилтанд хүрэх вэ? гэдгийг тухайн компанийн зорилго, зорилт, зах зээлийн нөхцөл байдалтай уялдуулан тодорхойлдог. Энэ тухай дараагийн бүлэгт дэлгэрүүлэн өгүүлэх болно.

Дээрх хүрээнээс харахад маркетингийн судалгаа зах зээлийн судалгаанаас илүү өргөн ойлголт гэдэг нь тодорхой байна. Гэхдээ зах зээлийн судалгаа түүний цөм хэсгийг бүрдүүлж байгааг харж болно. Нэгэнт үйлдвэрлэн гаргаж байгаа бүтээгдхүүнийг биш, зах зээл, хэрэглэгчдийн шаардлагыг иш үндэс болгох нь маркетингийн судалгааны гол агуулга болж, үйлдвэрлэл худалдааны үйл ажиллагааны үр ашгийг тодорхойлно. Зах зээлийг хэсэгчлэх, хэрэглэгчдийг хайж олох, нэвтэрч болох сиймхийг олж харах нь зах зээлийн судалгааны бодит алхамууд юм.

Судалгаа хийж байх үед харгалзах нэг чухал үндэслэл бол маркетингийн үзүүлэлтүүдийн тухайн үеийн төлөв байдлыг тодруулаад зогсохгүй цаашдын чиглэл хандлагыг нь олж харан компанийн зорилго ба стратегийг тодорхойлоход ашиглах явдал юм. Судлаач хүн ямар мэдээллийг ямар аргаар гаргаж авах вэ гэдгээ сайн мэдэж байх учиртай. Үүнийг 1.1-р хүснэгтээс харж болно.